ایکسپریس اردو
میر رضا کیس؛ 88 روز سے جاری احتجاج ختم، مطالبہ پورا ہونے پر والد کا اعلان
کراچی میں نواجوان تاجر میر رضا کے مبینہ قتل کے خلاف 88 روز سے جاری احتجاج اختتام پذیر ہوگیا اور مقتول کے والد میرحسین نے کہا کہ مشترکہ تحقیقاتی ٹیم (جے آئی ٹی) تشکیل دینے کا مطالبہ پورا کردیا گیا ہے۔
مقتول میر رضا کے والد میر حسین نے کہا کہ وہ ابتدا ہی سے کیس کی تحقیقات کے لیے جے آئی ٹی تشکیل دینے کا مطالبہ کر رہے تھے اور اب مطالبہ پورا ہونے کے بعد احتجاج ختم کرنے کا اعلان کیا ہے۔
اختتامی احتجاج میں شریک جماعت اسلامی کے رہنما سیف الدین ایڈووکیٹ نے کہا کہ میر رضا کے آؤٹ لیٹ کے قریب واقع بس اسٹاپ کو میر رضا کے نام سے منسوب کرنے کے فیصلہ کیا گیا ہے۔
اس موقع پر لواحقین نے کیس میں معاونت اور کردار ادا کرنے والے تمام اداروں، صحافیوں اور وکلا کا بھی شکریہ ادا کیا۔
میر رضا کے والد کی جانب سے اعلان سے قبل بہادر آباد چار مینار چورنگی پر منعقدہ اختتامی احتجاج میں مقتول کے لواحقین، سیاسی شخصیات اور وکلا نے شرکت کی۔
Shown as published in the source's RSS feed. IndiaAIFounders doesn't link out to third-party sites — this is the complete detail available from the feed itself.