ایکسپریس اردو
کراچی؛ تیز رفتار ٹرک نے پکنک سے واپس آنیوالی کار کو ٹکر مار دی، نوجوان جاں بحق
سپر ہائی وے پر جمالی پل کے قریب تیز رفتار ٹرک نے کار کو پیچھے سے ٹکر مار دی جس کے نتیجے میں ایک شخص جاں بحق ہو گیا۔
ریسکیو ذرائع کے مطابق حادثہ مبینہ تیز رفتاری کے باعث پیش آیا۔ ٹکر لگنے کے بعد کار بے قابو ہو کر فٹ پاتھ سے جا ٹکرائی۔ ابتدائی اطلاعات کے مطابق کار میں سوار افراد پکنک منا کر واپس آ رہے تھے۔
حادثے کے بعد شہزور ٹرک کا ڈرائیور گاڑی چھوڑ کر موقع سے فرار ہو گیا۔
ریسکیو ٹیم نے کار میں سوار جاں بحق ہونے والے 19 سالہ محمد سفیان کی لاش کو ضابطے کی کارروائی کے لیے عباسی شہید اسپتال منتقل کر دیا ہے۔ پولیس نے جائے وقوع سے شواہد اکٹھے کر کے فرار ہونے والے ڈرائیور کی تلاش شروع کر دی ہے ۔
Shown as published in the source's RSS feed. IndiaAIFounders doesn't link out to third-party sites — this is the complete detail available from the feed itself.