ایکسپریس اردو
کراچی، مختلف واقعات میں ایک شخص جاں بحق اور ایک زخمی
شہر قائد میں پیش آنے والے دو مختلف واقعات میں ایک شخص حادثاتی طور پر پستول چلنے سے زخمی ہوگیا جبکہ ٹریفک حادثے میں 40 سالہ شخص جاں بحق ہوگیا۔
قائد آباد کے علاقے گل احمد چورنگی کے قریب فاروقی مسجد کے مقام پر حادثاتی طور پر پستول چلنے سے 25 سالہ جبران ولد زرمین خان زخمی ہوگیا۔ زخمی کو طبی امداد کے لیے جناح اسپتال منتقل کردیا گیا۔
ترجمان کراچی پولیس کے مطابق واقعے کی اطلاع ملنے پر علاقہ پولیس نے تحقیقات شروع کردی ہیں۔
دوسری جانب ہاکس بے منوڑہ روڈ پر نیوی چوکی کے قریب ٹریفک حادثے میں ایک شخص جاں بحق ہوگیا۔ جاں بحق شخص کی شناخت 40 سالہ محمد حسن ولد محمد جمیل کے نام سے ہوئی۔
ایدھی ایمبولینس کے ذریعے متوفی کی لاش سول اسپتال منتقل کردی گئی۔
Shown as published in the source's RSS feed. IndiaAIFounders doesn't link out to third-party sites — this is the complete detail available from the feed itself.