ایکسپریس اردو
کراچی، اسٹوڈنٹ گراؤنڈ کے قریب پولیس مقابلہ، ایک ڈاکو زخمی حالت میں گرفتار
شہر قائد میں لیاقت آباد پولیس نے بدھ اور جمعرات کی درمیانی شب بی ایریا اسٹوڈنٹ گراؤنڈ کے قریب سے مبینہ مقابلے کے بعد ایک ڈاکو کو زخمی حالت میں گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان کراچی پولیس کے مطابق زخمی حالت میں گرفتار ڈاکو کی شناخت شہروز ولد مہتاب حسین کے نام سے کی گئی۔
گرفتار ڈاکو کا ساتھی موقع سے فرار ہونے میں کامیاب ہوگیا، گرفتار ڈاکو سے ایک پستول بمعہ گولیاں ، موبائل فونز اور نقد رقم برآمد کی گئی۔
Shown as published in the source's RSS feed. IndiaAIFounders doesn't link out to third-party sites — this is the complete detail available from the feed itself.