شہر قائد کے علاقے بلوچ کالونی میں کے الیکٹرک کے گرڈ اسٹیشن میں اچانک آگ بھڑک اٹھی فائر بریگیڈ نے آگ کو تیسرے درجے کی قرار دیتے ہوئے متعدد گاڑیاں موقع پر روانہ کردی ہیں۔ فائر بریگیڈ حکام کے مطابق گرڈ اسٹیشن میں لگنے والی آگ کی شدت کے باعث فائر بریگیڈ کی متعدد گاڑیاں اور فائر فائٹرز موقع پر پہنچ گئے جہاں آگ پر قابو پانے کے لیے کارروائیاں جاری ہیں۔ فائر بریگیڈ حکام نے قریبی ہائیڈرنٹس سے پانی کی مسلسل فراہمی یقینی بنانے کی اپیل کی ہے تاکہ امدادی کارروائیوں میں رکاوٹ پیش نہ آئے۔ فائر فائٹرز گرڈ اسٹیشن میں لگی آگ بجھانے کی کوششوں میں مصروف ہیں، تاہم فوری طور پر آگ لگنے کی وجوہات معلوم نہیں ہوسکیں۔